Day7 復活節德瑞自駕遊

Day7 復活節德瑞自駕遊

最後一日喺Grindelwald , 我哋要好早起身，因為去琉森湖附近遊一轉，然後又要用數小時上返德國😃
喺琉森，我哋去咗琉森湖， 經過霍夫教堂，行咗少少舊城，仲有卡貝爾木橋。 卡貝爾木橋係遊客 都會經過嘅地方， 佢喺14世紀初已經有呢條木橋喇， 不過係1993年， 因為一隻遊艇泊喺木橋下面，突然間著火， 所以燒走咗好多14世紀嘅古畫。
遊咗一陣琉森之後， 我哋繼續起程返德國。
車程太遠喇， 所以中途我哋又停一停，去咗公路快餐到休息下，再食burger king，又去公園玩下** (公路上好多中途站快餐, 多數有公園俾小朋友玩下)
https://m.myswitzerland.com/zo-hk/lucerne.html

今次主要介紹古堡酒店😊 我哋住咗喺以下呢間古堡，個feel好正，有metal feel ，Gothic feel， harry porter feel， 長髮公主feel...... 保留住十世紀嘅建築，當然裡面好多都係重建啦。
傳說呢間酒店以前有七個姊妹同埋父母一齊住， 因為受到逼婚， 所以佢哋喺對面萊茵河自殺……

美麗堡服務態度100分☺reception有善有禮， 餐廳服務員都好細心👍
我哋住喺最高嗰層，行李從一條好窄嘅樓梯比服務員拎上嚟，見到佢流曬汗， 真係辛苦曬** 當然有畀貼士啦，外國人係非常重視小費。

Schoenburg 美麗堡，她的美麗不是在外表， 當你走入裏面的餐廳，大堂，房間，花園， 休甜處 ，露台， 水池等等，每一個地方都籠罩住 一種難以形容嘅美麗， 同埋濃烈嘅古典味， 超推😍👍 唯一一樣嘢嘅就係夜晚， 係有啲驚嘅👻😜
大約港紙1700蚊就包埋早餐， 仲可以感受一下以前嘅人住喺古堡嘅感覺， 所以我覺得價錢相當合理😊
http://www.castlehotelaufschoenburg.com/?lang=tw
http://www.hotel-schoenburg.com/
😉以下嘅照片會逐一慢慢為大家介紹，不過請大家比啲耐性囉😜
**所有資料由網上提供及作準
#歐洲
#德國
#瑞士
#琉森湖
#德瑞自駕遊
#古堡
#舞臺媽媽生活小點滴
#舞臺媽媽生活小點滴之帶著孩子吃喝玩樂

平時喺香港好少畀佢食公仔麵或者福麵，去旅行返而比佢食

臨走都要玩多轉鞦韆先😂同Grindlwald講拜拜啦!

原路走嘅河景真係好靚，水嘅顏色應該係混雜咗一啲灰石，所以有點灰綠色

實在太靚啦😍見到側邊有啲停車處，我哋落咗車欣賞咗一陣

琉森湖隔離嘅卡貝爾木橋。
陰公豬😭以前燒咗條橋 ，不過而家都仲保留得到

聽聞喺瑞士嘅水周圍都飲得，除咗洗手間嗰啲😅 我哋就斟咗噴池裏面嘅水試下， 不過真係好清好甜 。
其實我仲有啲懷疑😂 途人見到我哋會唔會覺得好好笑，驚比人話我哋crazy people， 所以我哋改咗名叫呢支水做crazy water，喺池邊少咗好耐😂😂😂
**最後證實係冇肚痛, 又冇水土不服, 我腸胃敏感都冇事

 終於都過關，返到嚟德國啦！
真係辛苦曬爸爸！5-6 hours

未真正去到古堡酒店嘅，中途站我哋再嚟burger king， double steak house , chilam 成個食曬😌 不過真係幾好食

爸爸頂唔順啦😂要飛車
不過大家唔使驚，德國同瑞士啲人揸車係超快，160/170已經係濕濕碎......
** 不過都係小心駕駛好啲

到咗美麗寶嘅入口，我哋架車就拍喺佢外面嘅户外停車場

笑死我😂佢以為係住喺左手邊嗰啲窿度😂😂

 房間外面有個小露台，左手邊望住城堡面，右手邊係望住萊茵河。 我哋好好彩呀！如果間房只可望住城堡裏面，就冇咁多景睇啦。。

其實有一張加床畀佢嘅😌不過佢好驚自己瞓，所以三個迫埋一齊。。。

其實我覺得房間啲家具一定係後補㗎啦😁冇理由咁新嘅。
不過城堡外同大廳好多都仲係非常之舊

浴室裏面仲畀咗啲古龍水， 同埋佢所有嘅沖涼用品香到爆炸。。。

就係呢張床仔， 其實張床係好舒服嘅 ，瞓喺裏面又幾好玩😀但係個感覺。。。佢好唔自在，最後都係過嚟大床一齊瞓

左手邊嗰條鎖匙，匙扣係用銅造，所以士兵鎖匙扣都幾重。
房間預備咗蘋果同一啲wellcome酒，畀我哋嗰支酒的酒精濃度非常勁，我哋飲咗一杯先落去樓下食晚飯

好搞笑呀~喺嗰度住過佢會畀張證書你，真係好認真

 我明白chilam驚嘅原因嘅, 好彩唔係住喺呢層

大堂嘅客廳

晚飯時間職員要預備火爐

佢就自己一叫咗個兒童餐， 初初擔心兒童餐份量好少唔夠佢食😂但係佢咁大食都夠

我哋就叫咗呢個😊超好味呀 

兒童餐食之前指定動作😂 估唔到chilam咁大個, 仲有興趣呢啲

唔好睇佢細細碟， 呢啲唔知乜嘢煮牛肉流到爆炸，點解啲嘢可以咁好食

呢個洋蔥湯個樣好清，但係嗰味好濃

自己一碟，但係不出我所料😌佢都係食咗DD我哋D嘢

食緊嘅時候，真係好想流眼淚😍😭真係超好味

不過個甜品就窄咗啲