Day 4 復活節德瑞自駕遊

Day 4 復活節德瑞自駕遊

又因為我哋想爭取時間玩😝所以前一晚已經喺Penny supermarket 買定早餐 ，喺酒店食埋就出發去富森。 我哋一早起咗身，因為由慕尼黑揸車落去富森都要大約兩個半鐘， 呢個時候小朋友最好就係瞓覺😁
富森係浪漫之路嘅最後一站。我哋去富森主要係去新舊天鵝堡，所以住喺富森住咗一晚就夠啦！
我哋玩咗天鵝堡先，然後先落返富森市｡

新天鵝堡schloss Neuschwanstein Castle
https://www.hohenschwangau.de/1354.0.html
去天鵝堡有三種方法:
1) 係售票處嗰度行上去大約40分鐘
2) 坐馬車上去(售票處附近可排隊上馬車)
3) 瑪麗鐵橋行15分鐘

十幾年前都同老友去過呢度，不過今次再去係更 開心，因為可以話畀阿仔聽，媽媽真係好鍾意天鵝堡😂
我諗好多人都知， 建立天鵝堡嘅靈感喺嚟自迪士尼樂園嘅睡美人城堡。 呢坐城堡係我最鍾意嘅巴伐利亞國王路德維二世興建， 佢細個嗰陣就住喺對面舊天鵝堡。 因為舊天鵝堡都有好多浪漫嘅建築和中古世紀風格， 所以就影響咗佢嘅童年，大個咗就建一個好夢幻嘅城堡❤
新天鵝堡喺1884年建成，有四層樓( 其實唔止四層嘅， 因為有啲唔會開放， 我總覺得佢有好多 神秘通道😜)anyway..... 我鍾意到買咗佢本歷史書😁Ludwig II 比巴戈利亞政府話佢發咗癲唔適合做國王，就送咗佢去新天鵝堡度住， 佢只係住咗喺嗰度百幾日咋，之後仲自殺死咗( 我覺得事情唔係咁簡單)...anyway...Ludwig II 好鍾意佢自己個城堡，佢用曬自己所有身家，仲借咗國家好多錢去興建呢個城堡， 咁佢又唔係好啱嘅，但我欣賞佢好有藝術天份😊

玩完天鵝堡啦，我哋中午就去返富森市，
今次我哋book咗booking.com一間民宿,
Casa Patrizia 酒店
Am Winkelacker 4, 87645 Schwangau, 德國
+49 8362 9252196
https://g.co/kgs/ykMmYG
屋主婆婆好Nice (不過都係唔識英文嘅)，佢已經喺門口預備曬鎖匙同埋字條畀我哋👍
好鍾意富森同埋呢間屋，因為感覺非常之溫暖， 空氣都非常好， 買餸又好平。我哋仲喺富森市嘅一間supermarket買埋餸，準備明天落去瑞士👍😍

**以上資料及以下相片的所有資料以網上作準
* 稍後會逐一介紹相片的行程😉

#富森
#天鵝堡
#德瑞自駕遊
#舞臺媽媽生活小點滴
# 舞臺媽媽生活小點滴之帶著孩子吃喝玩樂

前一日喺supermarket買定早餐， 咁就唔使出街食咁趕時間

太早起身啦，車程又遠，畀佢瞓陣之後再玩過

見到呢個咁靚又貌似教堂嘅建築物，代表就快到天鵝堡

我哋淨係買咗新天鵝堡同舊天鵝堡嘅門票，有啲後悔冇去到Museum der bayerishen konige

係香港我哋已經買定門票， 仲可以揀定時間入場。 因為城堡與城堡之間有一段距離， 有時中間仲要食嘢 ，有足夠時間預備比較好啲，冇咁趕！

裏面都有好精品店，但係有人話 點解請番呢個sales咁似國王

午餐我哋就喺城堡外面買一啲小食

新天鵝堡裏面係唔畀影相嘅，
我哋唯有喺出面影幾張相留念😊
企喺呢個大陽台， 腦海突然諗起 ，國王嘅心情其實係點嘅呢？

欣賞完新天鵝堡，我哋行咗去瑪恩鐵橋，再次欣賞天鵝堡嘅遠景。
靜雞雞話畀你哋聽，有人奶唔到天鵝堡喺度喊😂😂

臨走嘅時候又肚餓 ，好彩周圍都有啲小食比佢😌 想食就自己去買嘢食啦……

呢個真係唔知乜嘢名堂，超超超好食。 類似冬甩 ，但係又非常軟身

上山我哋行路，所以走嘅時候都有啲攰啦，我哋辛苦馬馬載我哋落山 ，又可以畀佢試下坐一次馬車

離開嘅時候，喺精品店見到million雪條，梗係要買條嚟食吓啦

得個樣得意😂其實馬馬地

落返富森市，我哋今晚就係住喺呢間b&b

架車泊喺門口就得㗎喇，非常方面和自由

 屋主已經預備好曬鎖匙和便條喺門口，指示十分清晰

入到屋第一時間要睇下個廚房，因為夜晚要喺度煮飯😁 好奇企理好乾淨， 廚具同其他用品非常齊全

 屋主婆婆叫我地填少少個人資料 ，咁就得啦。 婆婆非常有善

其實淨係行超級市場都可以行兩個鐘，因為真係好多嘢揀，好多嘢食，仲要好平

餐嘅餸 ，我都係港紙八百幾蚊

買完上車，返屋企煮飯

富森夜晚其實冇乜嘢好行，所以之前我哋安排夜晚喺民宿煮餐飯

喺富森煮吓飯仔，又幾好玩嘅！
食咁多嘢都係港紙百幾蚊到

 平到連花都買賣😂晚餐搞下氣氛

我哋就係望住呢個景食飯啦，因為玻璃反光睇唔到，其實係望住天鵝堡。
富森空氣真係好好😊同埋好寧靜， 整個城市好舒適

最正嘅就係唔知點解呢間屋係可以。。。 有機打