Day 3 復活節德端自駕遊

Day 3 復活節德端自駕遊

Day 2 晚同架車入滿油之後，喺油站買咗啲杯麵， 沙甸魚同餐肉做早餐(好唔健康😂但係爭取時間冇計)， 食完之後就出發去寧芬宮Schloss Nymphenburg Palace
http://www.schloss-nymphenburg.de/engli…/tourist/opening.htm
寧芬宮係建立於1664年， 當時選帝候為慶祝個仔出世而興建，有錢到呢~ 係花園裏面建立了帕戈登宮，巴登宮，阿瑪林宮及馬格德萊茵小屋， 以前古代嘅人就喺裏面休休閑閑咁生活。
除咗公園，主宮和小宮外，仲有一啲皇帝用過嘅馬車， 餐具，寢室等等😍好靚呀！
極力推介寧芬宮， 因為可能自己鍾意古堡&宮殿, 又可以睇返以前嘅歷史，一個可以行幾個公園 ，週邊仲有唔同嘅小建築和教堂， 仲有好多天鵝的天鵝湖，值得一去👍
Lunch我哋就去返day 2 的食品市集viktualienmarkt ,
下午真係熱鬧得多，熱鬧到幾乎冇位坐低😂 ， 最後等咗一陣好彩有位 。食完之後就行市集，都幾多嘢睇同幾多嘢買😁 曲奇，意粉，醬料，啤酒，果汁，蔬菜，芝士，凍肉 等，我哋仲去咗一間用蜜糖做嘅製成品， 買咗啲肉桂蜜糖， 薰衣草蜜糖， 蜜糖糖，蜜糖唇膏等返香港。
之後我哋去咗德意志博物館Deutsches Museum
http://www.deutsches-museum.de/
德國工業係世界一流 ，所以好多飛機，潛艇，火箭， 紡織機， 發電機等等都做得非常好， 可以睇到佢哋以前嘅做法同現今嘅有乜嘢分別。 都幾多嘢睇幾有趣， 啲細路玩得好開心(因為好多制襟😅)，不過我哋唔夠時間睇，有一棟去唔到😌
玩咗成日我哋決定返酒店附近嘅餐廳食飯 ，之前有介紹過 leonardo hotel 附近有間希臘菜
係非常之精彩😍 可惜忘記影餐廳名😌
食完飯我哋又要早啲瞓， 因為要迎接Day 4💪

** 以上資料及以下相片內的資料以網上作準
稍後會為大家逐一介紹相片的內容😉

#德瑞自駕遊
#慕尼黑
#舞臺媽媽生活小點滴
#舞臺媽媽生活小點滴之帶著孩子吃喝玩樂

都係香港買嘅杯麵同罐頭沙甸魚係最好食😂 時間緊迫 😜食完就出去

寧芬宮嘅門外，有好大嘅露天地方可以泊車， 絕對唔需要擔心冇位泊。
泊完車望去正門，已經覺得 "嘩！好大呀~"

準備行入寧芬宮裏面買票前， 未到門口，外面已經有個好天鵝湖

入到寧芬宮主廳，Chilam好多時候都向上望D畫，因為樓頂好高好多畫都畫在上天花上面

世界那麼大，找到我嗎 ？

初初完全冇搜集資料，以為淨係得個寧芬宮嘅主聽行， 原來入到去仲有一個超大嘅公園

如果要去其他小宮殿，教堂及建築物，要經過好多呢D 路先到。
沿路都有啲指示牌，指引你想去嘅小宮殿， 不過宮殿與宮殿之間， 有啲好近，有啲非常遠!

公園裏面有一個小教堂 ，裏面全部都係用貝殼去建。 很奇怪，入到教堂裏面係非常之冰冷， 有點不舒服😅確實有點寒意

其中的一個小宮殿，以前宮裏面啲人係用作休息或者娛樂

除咗寧芬宮門外有個小小天鵝湖，裏面亦都有一個大啲嘅天鵝湖。
D天鵝好搞笑，成日問人攞嘢食😄上水落水不停重複

公園有左右兩邊， 兩邊都設有不同的小宮殿和小建築物

不經不覺，行咗一段時間，跟寧芬宮嘅正門已經有一段距離

呢一個小宮殿對出，就是望著天鵝湖， 我哋喺度坐咗一陣放空休息，然後再繼續行

Chilam 開始行到腳攰 ，父愛要出動喇😂 我都好明白，因為實在太大，真係行到好攰

喺公園裏面其中一個最出名的鏡子宮殿

以前唔同嘅皇帝或者貴族，都有唔同嘅馬車用等級去分別。
呢架喺路易唔知幾多世用的！

下午返番去慕尼黑市中心嘅食品市集lunch, 午餐時間多人都呢~

好多年前同朋友去呢個市集食飯，今日又食返呢間三文魚😊 味道好似仲比以前好味

市集入面有一間專用蜜糖做成的製成品， 價錢一啲都唔貴， 大約幾歐至1X 歐羅一瓶， 已經可以飲到一啲特別版嘅蜜糖

周圍都有芝士， 本來想買定返酒店食，但係冇雪櫃驚佢溶🙈 所以最後冇買到

裡面都有好多試食，不過醬料比較濃味， 唔係好啱我哋口味🙊所以試食完就走了

 見仲有啲時間，所以去埋得意志博物館

呢D咁辛苦嘅玩意💪😂 梗係要爸爸出手啦

有好多嘢畀佢哋試玩勁襟制 ，但係佢呢啲八，九歲， 亂玩係多個學習

遊客必到購物地點😂Birkenstock

Reichenbachstraße 8, 80469 München, 德國+49 89 23886778

https://g.co/kgs/561odP

Dinner time

係 leonardo hotel附近的一間希臘菜，我哋話仲好食過羅騰堡酒店嘅米芝蓮餐廳😂
酒店門口出去轉右手邊，直行一個街口過對面左手邊馬路，有幾間餐廳，其中一間的希臘菜