舞臺媽媽生活小點滴之帶著孩子吃喝玩樂: 泰國曼谷演出旅遊

舊年年尾去咗我最愛嘅曼谷演出

☺ 佢哋搞咗一個藝術節，有唔同國籍嘅舞團同artist都會去嗰度演出，喺MBK隔離 bangkok art and culture center進行，我哋亦都去咗一間大學到畀咗一堂workshop佢哋, 可以接觸下當地嘅大學生，曼谷嘅學生so nice

😍

到步嘅第一晚，已經去咗唐人街食海鮮同傳統泰菜，價錢仍然都非常平又好味

👍 不過我相信更多地方更加好味同平

😁
演出期間我哋多數都係場地提供饍食，有時去mbk食嘢，因為實在太近喇！MBK 商場都好多嘢食最高嗰層有food court，只要你買張卡，好似八達通咁，入咗錢買乜嘢食，用張卡扣錢就得啦！
演出完咗又free 啦，我哋去咗Asiatique 食日式放題好平，都ok好味

👍 行下，shopping下，行到攰去foot massage先返酒店

😊

工作完曬之後，特登留多三日等我老公嚟同我繼續吃喝玩樂

😁 今次係冇阿仔份嘅。我哋去咗我哋最愛嘅火車市集，不過今次去另外一個，就是Train Night Market Ratchata, 我地比較喜歡呢個夜市，因為交通方便得多，同埋食物種類比較多選擇

👍 仲可以去剪下頭髮，衫褲鞋襪嘅質素都唔錯！
第二日我哋去咗孝山，我超鍾意孝山因為嗰度個氣氛好正好Rock，好多鬼

😁 個個有紋身，週圍有飲啤酒，有野食，有野買，可以喺嗰度hea半日

😜
我哋仲book咗個的士司機車我哋去好遠嘅安帕瓦水上市場和美功鐵路
**(你搭的士多數會遇到d 司機做遊客生意, 如果唔想諗去邊，一架的士搞掂行程，仲可以去你住嘅酒店等你出發，如果大家想要佢嘅聯絡，可以問我

😉因為已經同佢做咗朋友，價錢都唔係襟水魚嗰隻

😂) 以上呢兩個地方都值得一去

👍
之後我哋再叫司機車咗我哋去翟道翟，夜晚再去返之前介紹嗰個火車市集Srinakarin , 臨走嗰日點都要行轉Big C 同食次雪糕先

😊

舞臺媽要教課啦

😜一陣間先係D相到再逐一介紹同埋教大家點樣去呢啲地方玩啦！Yeah

😉

準備上機

😊出發啦

一到步，自由的晚上就約咗我演藝嘅大師兄去唐人街食地道泰菜，好辣呀！叫到一枱都係，每人唔洗港紙一百蚊到

第二日入台做嘢，去咗mbk food court食碗麵，就可以過對面bkk art and culture center返工

嗰次演出去做呢個演出，節目都豐富，有唔同世界各地嘅人過嚟演出，仲有工作坊

未到我哋演出嘅前一日，我哋做咗觀眾去睇其他演出，同舞蹈節嘅主席影張相

演出前我哋去咗呢間大學比工作坊，好鍾意泰國嘅學生

😍好積極同友善！

喺學校做完工作坊，當地嘅老師們送咗一個吉祥花花比我哋

工作坊和演出後，我再次encore asiatique

😂 不過都係鍾意行啲冇咁遊客區嘅會驚喜啲。
Asiatique 主要分四個區域，有十個warehouse
Chaoroenkrung District(warehouse 1-4)
裝飾品, 紀念品商店,表演場地,餐廳

Town Square District (warehouse 5-6）
餐廳,Food Circus,服飾店

Factory District (warehouse 7-10）
服飾店, 餐廳 ,Pub

WaterFront District (靠近Chaopraya River）
河畔餐廳

搭乘BTS到沙潘塔克辛站(Saphan Taksin)
, exit 2 已經有指示牌教你點行去碼頭，其實一出就已經見到，超方便。

1. 可買BTS單程票或 rabbit卡(rabbit主要喺回程可能有非常多遊客在沙潘塔克辛站(Saphan Taksin)排隊買單程票返曼谷市，用rabbit卡會快D，唔洗大排長龍等買飛，直接就可以入站。

2. 提早出發到夜市：接駁船是免費搭乘，於每日下午4點開始營運往來，越接近晚上就越多遊客前往，大家可以早點出發，可以避免人擠人排隊搭船。

3. 可選擇付費20泰銖，變可以快速通關上船無須等候太久