Day 6 復活節德瑞自駕遊

Day 6 復活節德瑞自駕遊

驚死佢哋會餓親，我連福麵都帶埋😂
食完早餐之後， 我哋就出發去少女峰。
少女峰嘅門票同火車可以去到先買或者上網訂，而我哋就喺台灣一個旅遊公司買完寄過嚟香港， 因為畀我老公發現佢平過其他地方。 上網購買所以我哋去到門票嗰度再取ticket， 火車有指定時間，不過都好密， 可以揀好時間，到時準時上車就ok👍
我哋由Grindelwald 揸車落去interlaken, 然後再坐三轉火車先上到去少女山上。 轉火車好方便好近， 一落車過對面就係啦， 同埋我哋都係第一次去，驚上錯車😜不過我估嗰度個個人都係上少女峰，所以跟大隊最好😁
第一程火車好快，只係十零分鐘到
第二程火車係沿路風景最靚嘅
第三程火車好斜好高，仲有啲耳鳴

上到少女峰最高有一個地圖，可以帶你去唔同嘅地方， 例如有瑞士蓮朱古力店， 到戶外行少女峰雪山， 餐廳 ，禮品店， 路旁都有介紹少女峰嘅建立同歷史， 有一部電梯25秒就可以到少女峰等(其實我哋數到27先到)等等 。。。其實半日都可以玩曬。

不過最重要嘅 ，要留意自己有冇高山症😌我就冇喇。。。 chilam咁細個同我老公就有.... 唯有勁食甜野同埋行慢啲😅 所以好可惜，我哋冇行到少女峰戶外嘅雪山， 只係去到30步到，我哋就返轉頭啦😂 咁所以請大家預備朱古力上去， 以防萬一。
嗰次上到去唔算勁凍，不過出戶外好大風。
我哋咁啱比人做訪問，送咗我哋幾粒瑞士蓮朱古力😂
玩完之後我哋返去Interlaken嗰個coop超市繼續shopping, 夜晚就繼續煮飯仔☺

😉 請大家畀啲耐性啊~以後會逐張相有資料提供
**所有資料的提供由網上作準。
另外， 建議大家可以去官方網頁睇下仲有乜嘢玩
https://m.myswitzerland.com/zh-hk/home.html
https://m.myswitzerland.com/zo-hk/interlaken.html
https://m.myswitzerland.com/zo-hk/grindelwald.html
https://m.myswitzerland.com/…/jungfraujoch-top-of-europe1.h…
#瑞士
#Grindelwald
#Interlaken
#少女峰
#歐洲
#德瑞自駕遊
#舞臺媽媽生活小點滴
#舞臺媽媽生活小點滴之帶著孩子吃喝玩樂

福麵早餐

INTERLAKEN 車站

諗住可以坐好耐，買定嘢食，原來第一程火車只係10至15分鐘

第二程火車，一路都沿住瑞士小木屋上山， 好靚呀

第三程火車比較快啲， 途中好多旅遊站，滑雪場

差唔多到少女峰頂，有一個站可以畀你停留五分鐘去影相，我哋9秒9去影一張相9秒9跑返上車

轉咗三次車，終於都到啦。
一落車就見到有個姐姐高山症暈低， 我哋即刻上前扶起佢， 原來有人一上到去就即刻暈

少女峰上面嘅快餐🙊好難食又貴

薯條炸到勁乾

上到去啦，超級大風 ，真係幾凍

25秒電梯，由底層上到山頂 ，真係好快。。。

本來想同佢出去行下。。。點知

出咗去少女峰雪山外面行咗一陣 ，真係好曬又好凍

最後行行下又頭暈😅坐咗喺度

可以沿著雪山路，一路行出出面， 欣賞風景， 走嘅時候出入口都係同一個門口，如果行山者可以行到好遠好遠

瑞士蓮朱古力專門店

有一個電子遊戲 ，D 朱古力會周圍旭， click佢就會介紹唔同種類嘅瑞士蓮朱古力

 正常嘅時候， chilam見到呢啲嘢佢會勁開心😂好明顯佢高山症仲未完。
有幾隻款香港係冇嘅，我哋都買咗返香港試。不過最後我哋覺得最original嗰隻係最好味。

走嘅時候經過雪場， 好多人係少女峰滑雪

返到去拎interlaken coop, 都好多嘢買好方便， 呢個麵包應該夠我哋食一個禮拜早餐

都係呢度買咗兩嚿芝士👍幾好味

 喺coop買完嘢食之後，我哋最後返咗去Grindlwals民宿度煮飯食

喺coop 買嘅甜品cheese cake好好味喎

我哋好無聊咁樣買咗呢隻復活兔呢應節

吃德國瑞士一定要飲riesling, 無論咩牌子都可以好好飲

 最後一晚喺Grindlwald渡過的夜景