2017 summer hoilday 石垣沖繩自駕遊 Day 5

2017 summer hoilday
石垣沖繩自駕遊
Day 5

第五日起身我食DD嘢就準備出發去竹富島啦！出門口嘅時候見到一班攝製隊起我哋民宿門口拍攝， 聽聞原來個男主持係好出名，專係講飲食😊
由民宿揸車落去碼頭大約15分鐘
諗住再落去食個早餐先再坐船，點知去咗一間超難食嘅AW快餐食早餐🙈之後就行去石垣碼頭去竹富島。
去竹富島好方便，半小時就有一班船， 只係十分鐘就可以由石垣去竹富。竹富島好細，其實幾個鐘都玩得曬👍

Maruchachi rental bike shop
8:00-17:20
600 yen 2 hour. (之後每半小時150 yen )
可以租單車圍住個島兜圈， 欣賞風景， 沿路見到好多水牛 ，又可以踩去你想去嘅目的地 ， 我哋就踩單車去咗薄荷沙灘kondoi beach和星沙灘kaiji beach。 星沙灘點解叫星沙灘？ 因為細細粒砂嘅形狀好似星星咁，但係其實 星沙原本就係孔蟲的海洋小生物，死咗之後角質化星形軀殼被沖上岸，混在沙灘白沙之中，因而被人誤以為是星形沙粒。

另外除咗踩單車，大家都可以試下坐水牛車。我哋無坐，因為天氣熱，人都辛苦啦，何況牛拉住咁多個人仲辛苦🙈 水牛車上有人會彈三弦琴畀你聽， 感覺真係好夏日🎋
竹富觀光水牛車
收費：每位$90/30分鐘
やらぼ
地址：沖繩縣八重山郡竹富町字竹富107
營業時間：11am-4pm

有一啲shopping店，餐廳，cafe ，仲有不到20間的酒店，有Free shuttle bus to harbor， 每半小時一班， 仲有一啲竹富民藝館，可以做或購買一啲傳統手工藝。

其實玩幾個鐘都夠啦，因為七月天氣真係好曬好熱，玩咗半日已經好攰……
玩完竹富島返去石垣碼頭商店和美崎町通附近食和牛漢堡包， 雖然等咗好耐，但係佢即叫即做，味道非常好👍
再食埋個鹽味雪糕，周圍行下，就返去民宿啦！
因為我哋book咗一餐晚飯返宿食，可以試下正宗住家菜👍

** 所有mapcode和旅遊地址由旅遊書及網上提供

#日本
#沖繩
#石垣
#OTS
#民宿
#竹富島
#星沙灘
#薄荷沙灘
#和牛漢堡包
#美崎町通
#鹽味雪糕
#民宿晚餐
#familymartsweet
#舞臺媽媽生活小點滴
#舞臺媽媽生活小點滴之帶著孩子吃喝玩樂

好鍾意呢個非常簡單嘅飯廳，因為枱嘅旁邊已經預備好嘢飲和小食比你，隨時可以攞， 仲要有扇， 熱嘅時候就隨便攞 😊好有屋企嘅感覺

早餐清清哋麵包蘋果，
但出街再食過

學習日式家庭嘅睡前睡後模式，要鋪床褥摺被😜 最好幫我哋接埋

 一出門口外面有攝製隊，唔知咩節目呢？

食完早餐沿路經過碼頭周圍嘅商舖，慢慢行去碼頭到搭船啦！

到咗石垣碼頭，我哋就係答呢啲船去竹富島。
除咗竹富島，仲有西表島，宮古島等等，都可以喺呢度搭船出去。

到咗竹富島其實有小巴可以去觀光目的地或者選擇行十分鐘就可到村莊

村莊周圍嘅外牆都係矮矮的石頭圍成，很有特色

租單車有幾間可選擇
我哋揀咗Maruchachi , 係一個老婆婆負責收錢

婆婆會畀張地圖你，可以跟住地圖的路線踩單車去你想去嘅地方

第一站我哋踩單車去咗星沙灘，見到好多星沙好細粒好細粒

星沙灘外面唔知係咪因為水退， 好淺水所以見到好多海參 ，成個海都係海參，好多海參呀！ 真係好誇張！

第二站去咗薄荷海灘

久唔久又見到海參朋友

兩仔爺去咗好遠游，太熱喇😵頂唔順，隊罐啤酒先

 村莊裡面周圍都見到有水牛車行過

由於玩到太晏，好多都已經關咗門。同埋太熱，唔想再行🙈唯有食小食同雪糕先，出番去石垣再食下午茶

 等咗好耐都冇shuttle bus，唯有行返去碼頭，但係其實ok嘅👍都係十分鐘到啫

去返石垣碼頭附近商舖見到呢間食石垣牛漢堡， 我哋就揀咗食呢間

賣相也不錯

呢個石垣牛漢堡裏面太多汁，揸起手成日會跌啲肉出嚟😅 所以佢決定咁樣食😂
唔貴60蚊港紙一個細嘅，推👍好味

 食完漢堡再過對麵食杯鹽味雪糕

 有唔同味道嘅salt俾你放落雪糕度食, 有啲都好好味, 有D好得意

去沖繩石垣個個都要買呢個手信，但係我覺得麻麻地， 因為冇乜味😝😝

返到民宿，屋住已經為我哋預備好晚餐😍 玩到攰，返屋企有飯食

 開 飯 啦 ！！！！
賣相好似清淡，但係好夠味👍好好味👍住家菜

是日family mart甜品😁芝士蛋糕同埋忌廉窩夫