2011 Bail club med

2011 Summer Hoilday☀

今次繼續介紹ClubMed😊喺位於印尼嘅峇里島。
幾年前峇里clubmed的主題顏色係紅色嘅， 仲有酒吧的超大水晶燈，就係佢嘅地標。 最近呢幾年裝修過，泳池户外的主題色都變成白色和以木製材料建築為主，自然感更加重🌿

五日四夜之蕩，同之前民丹clubmed一樣，有指定動作嘅全包宴 ( 部分活動需自費，例如SPA, local tour等), 每天嘅活動都唔同，兒童遊戲每日都唔一樣， 所以要記得每日去攞day schedule， 睇下果一日有乜嘢玩👍👏
我哋比較喜歡峇裡島club med多過民丹club med， 因為方便得多， 起碼唔使轉船😁
一到咗機場， 就直接有專車送去酒店，都係半個鐘至45 分鐘到， 非常方便👍
峇裡的G.O 很多，更加熱情( 可能地方大需要嘅人手更加多) 一到酒店就有一個講國語嘅G.O.姐姐為我哋介紹，之後就帶我哋到房間。 然後五日四夜嘅自由活動正式開始。

至於膳食， 食材和質素也比民丹的多，每天的素材都不一樣， 進食地方更加大， 環境更有氣氛。 除了主要餐廳之外還有兩三間餐廳可以另外預訂 👍 質素也非常好。 當然唔少得爸爸媽媽最愛嘅紅酒，白酒，玫瑰酒🍻

私人海灘也比起民丹島大和美觀， 整個海灘氣氛 非常有渡假feel😍

小朋友嘅學校地方更加大，不過今次佢話唔去學校玩😂 可能上次驚咗！

以下嘅相片會逐一同大家介紹😄
不過再remind大家, 已經係六年前嘅事😅還境已經轉換咗喇，所以以下有一個最新網址畀大家睇下最update嘅資訊😉
2017#clubmed官方網頁👇
Clubmed
https://www.clubmed.com.hk/r/%E5%8D%B0%E5%B0%BC%E5%B7%B4…/y…

大家亦都可以睇睇峇里的旅遊資訊👇
http://www.indonesia.travel/…/things-to-know-about-weather-…

** 大家唔好以為一去clubmed就好似困住咗咁，其實可以出去玩㗎，仲可以參加一啲local tour💪

#clubmed
#Bali
#hoilday
#travel
#hk
#舞臺媽媽生活小點滴之帶著孩子吃喝玩樂
#舞臺媽媽生活小點滴

舞臺媽媽生活小點滴之帶著孩子吃喝玩樂 第二次坐飛機，仲係咁興奮😂

舞臺媽媽生活小點滴之帶著孩子吃喝玩樂 到步喇👏有個紅色衫嘅G.O哥哥同我哋點名，之後就同個蜘蛛仔上車出發去酒店

舞臺媽媽生活小點滴之帶著孩子吃喝玩樂 酒店地方好大 ，呢度係其中一part房間

舞臺媽媽生活小點滴之帶著孩子吃喝玩樂 今次加床係加起床尾， 不過最後都係三個一齊瞓

舞臺媽媽生活小點滴之帶著孩子吃喝玩樂 有兒童餐盤👍可以一次過攞食物比小朋友，唔使爸爸媽媽們行嚟行去

舞臺媽媽生活小點滴之帶著孩子吃喝玩樂 我鍾意飲玫瑰洒，都係因為clubmed😜
其實佢哋入嘅酒真係唔錯。
大家唔使一杯杯叫佢哋比你，你可以叫佢成支放低😂
"成支放低得嘞,唔該曬!"

舞臺媽媽生活小點滴之帶著孩子吃喝玩樂 自助餐廳有室內同室內， 我哋每一次都坐室外，因為夜晚有啲風好清涼😊建議晚上坐戶外比較好，因為早餐和午餐比較熱和多烏蠅。

舞臺媽媽生活小點滴之帶著孩子吃喝玩樂 如果驚爬蟲類動物， 我建議你requests住二樓或以上， 因為依啲巨型蜥蜴會周圍行😨 如果你住地下，佢哋真係有機會喺你門口行過。 其實我懷疑佢係科莫多龍。。。
** 不過呢個係六年前嘅事，唔知依家裝修完之後，仲有冇巨型蜥蜴同你哋一齊住？ 仲有松鼠同猴子

舞臺媽媽生活小點滴之帶著孩子吃喝玩樂 泳池都好夠大，有好多張凳 ，唔需要擔心冇位曬太陽

舞臺媽媽生活小點滴之帶著孩子吃喝玩樂 每天都有唔同語言嘅行程表去介紹當日的活動

舞臺媽媽生活小點滴之帶著孩子吃喝玩樂 最開心同自由嘅係😍每朝早佢哋未瞓醒，我就可以去上堂 ，然後再返嚟同佢哋再食早餐， 冇錯係"再"食

舞臺媽媽生活小點滴之帶著孩子吃喝玩樂 早餐係超豐富👍好多嘢食👏 有好多唔同口味嘅乳酪

舞臺媽媽生活小點滴之帶著孩子吃喝玩樂 私人沙灘也非常乾淨，都喺同民丹一樣， 冇乜石頭👍好放心俾小朋友周圍走

舞臺媽媽生活小點滴之帶著孩子吃喝玩樂 有很多其他水上活動， 有些是免費，亦有些要自費， 要問清楚啊~

舞臺媽媽生活小點滴之帶著孩子吃喝玩樂 沙灘附近的小酒吧~ 應有盡有。
Mango Juice please

舞臺媽媽生活小點滴之帶著孩子吃喝玩樂 最特別嘅就係呢個大圓形梳化，如果太曬，可以將上面個帳篷放落嚟, 咁就唔怕 曬得滯

舞臺媽媽生活小點滴之帶著孩子吃喝玩樂 去到泳池,都有G.O.哥哥姐姐同小朋友玩☺ 佢哋會扮魚或者鯊魚嚟追你哋， 所以會不停聽到啲細路仔有歡樂嘅叫聲。

舞臺媽媽生活小點滴之帶著孩子吃喝玩樂 游完水一定好肚餓，不過唔洗驚小朋友餓親，因為每一日都有下午茶時間

舞臺媽媽生活小點滴之帶著孩子吃喝玩樂 玩完食完，夜晚仲可以睇演出， 有啲都幾搞笑㗎。 仲有小朋友喺學校學咗嘅嘢，都可以喺晚上演出👍
所以你哋都見到相裏面嘅爸爸媽媽都錄影緊佢哋嘅小朋友，留住最美好嘅回憶！

舞臺媽媽生活小點滴之帶著孩子吃喝玩樂 其實總言之你一口喝或者想飲嘢，你就行過去吧檯order就得㗎啦

舞臺媽媽生活小點滴之帶著孩子吃喝玩樂 仲有不停供應嘅小食

舞臺媽媽生活小點滴之帶著孩子吃喝玩樂 有非常足夠嘅太陽凳同埋休息處， 如果你玩到攰，就可以隨時去休息同瞓覺

舞臺媽媽生活小點滴之帶著孩子吃喝玩樂 日日游水同曬真係好攰㗎，佢終於都頂唔順

舞臺媽媽生活小點滴之帶著孩子吃喝玩樂 去到club med或者其他地方嘅酒店食晚飯, 我都會預備一啲靚少少嘅衫去食飯， 比自己扮下靚，開心吓😜G.O. 都會同你哋一齊扮靚

管理

舞臺媽媽生活小點滴之帶著孩子吃喝玩樂 食完晚飯，飲完酒，都有啲眼瞓，睇下我隔離嗰個就知道

舞臺媽媽生活小點滴之帶著孩子吃喝玩樂 晚飯前後， 都有G.O.放唔同既擺攤檔同小朋友玩

舞臺媽媽生活小點滴之帶著孩子吃喝玩樂 仲有畫畫同小手工

舞臺媽媽生活小點滴之帶著孩子吃喝玩樂 未試過帶佢去游水可以帶咁少嘢，因為 所有嘢clubmed都已經預備好曬👍

舞臺媽媽生活小點滴之帶著孩子吃喝玩樂 五日四夜嘅行程已經完結啦，
臨走佢都係揸住杯嘢飲嘅

😂